ភ្នំពេញ: ហេតុការណ៍នេះបានកើតឡើងនៅវេលាម៉ោង៦ព្រឹកថ្ងៃទី៦ ខែតុលា ឆ្នាំ២០២០នេះ ចំណុចទល់មុខរណ្តៅដីលើមហាវិថីឈ្នះឈ្នះ ក្នុងភូមិកប់ស្រូវតូច សង្កាត់គោករការ ខណ្ឌព្រែកព្នៅ រាជធានីភ្នំពេញ។

រថយន្តម៉ាកហ៊ីយ៉ាន់ដាយ ក្រឡុកស៊ីម៉ង់ត៍ ។

រថយន្ត បែនដឹកខ្សាច់

តាមប្រភពព័ត៌មាននៅកន្លែងកើតហេតុឲ្យដឹងថា នៅមុនពេលកើតហេតុរថយន្តក្រឡុកស៊ីម៉ង់ត៍ ពណ៌ស ពាក់ផ្លាកលេខ ភ្នំពេញ 3E-8319 បើកដោយបុរសម្នាក់មិនត្រូវបានស្គាល់ឈ្មោះ បានបើកចេញពីចំណតរថយន្តមុខរណ្តៅដី ពីជើងទៅត្បូងឆ្លងមហាវិថីឈ្នះឈ្នះមិនទាន់ផុតផង ក៏ស្រាប់តែរថយន្តបែនដឹកខ្សាច់ពណ៌ស ពាក់ផ្លាកលេខចង្កូតស្តាំPP 0926 បើកដោយឈ្មោះ សួន សុជុន ភេទប្រុស អាយុ ២២ឆ្នាំ ស្នាក់នៅសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ បានបើកតាមហាវិថីឈ្នះឈ្នះពីកើតទៅលិចគេចជ្រុល ទៅបុករថយន្តក្រឡុកស៊ីម៉ង់ត៍ពេញទំហឹង បណ្តាលឲ្យរថយន្តបែនដឹកខ្សាច់ខូចខាតកំណាត់មុខ

យ៉ាងដំណំតៃកុងរងរបួសធ្ងន់។

ក្រោយពេលកើតហេតុសមត្ថកិច្ចមូលដ្ឋាន បានទាក់ទងរថយន្តដឹកជនរងគ្រោះទៅមន្ទីពេទ្យ និងរថយន្តទាំងពីរគ្រឿង ត្រូវសមត្ថកិច្ចជំនាញយកទៅរក្សាទុកបណ្តោះអាសន្ន ដើម្បីចាត់ការតាមច្បាប់៕