ឃាត់ខ្លួនជនសង្ស័យគ្រឿងញៀន០៣ នាក់ រថយន្ត១គ្រឿង កាំភ្លើងខ្លី និងគ្រឿងញៀនមួយចំនួន
ពោធិ៍សាត់ ៖ កម្លាំងអធិការដ្ឋាននគរបាលស្រុកវាលវែង និងកម្លាំងប៉ុស្តិ៍ប្រម៉ោយ បានចុះបង្រ្កាបករណីដឹកជញ្ជូនជួញដូរ និង ប្រេីប្រាស់ដោយខុសច្បាប់នូវសារធាតុញៀន នៅចំណុចចំណោទដេីមជ្រៃ ស្ថិតក្នុងភូមិឈេីទាលជ្រុំ ឃុំប្រម៉ោយ ស្រុកវាលវែង ខេត្តពោធិ៍សាត់កាលថ្ងៃទី២០/ខែកញ្ញា/ឆ្នាំ២០២០ ម៉ោង ១៦.៤០នាទី។
យោងតាមរបាយការណ៍របស់កម្លាំងសមត្ថកិច្ចបានឲ្យសារព័ត៌មានដឹងថាក្នុងនោះសមត្ថកិច្ចបានឃាត់ខ្លួនជនសង្ស័យចំនួន ០៣ នាក់ មានឈ្មោះដូចខាងក្រោម:
១.ឈ្មោះ វី វ៉ា ភេទប្រុស អាយុ ៣៣ ឆ្នាំ រស់នៅភូមិទួលគោឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំ
២.ឈ្មោះ ឆេន ថាវរី ភេទប្រុស អាយុ ៣៤ ឆ្នាំ រស់នៅភូមិមល ឃុំរកាត ស្រុកភ្នំក្រវាញ ខេត្តពោធិ៍សាត់
៣.ឈ្មោះ ហុីម ហួយ ភេទប្រុស អាយុ ២៦ ឆ្នាំ រស់នៅភូមិព្រៃខ្លុង ឃុំរកាត ស្រុកភ្នំក្រវាញ ខេត្តពោធិ៍សាត់។
ចំណែកវត្ថុតាងដែលកម្លាំងសមត្ថកិច្ចដកហូតបាន ម្សៅក្រាមសថ្លាសង្សយ័ជាសារធាតុញៀន ០២ កញ្ចប់ធំ ស្មេីនឹង ៨២.៩៤ ក្រាម ថ្លឹងទាំងសំបកថង់ ថ្នាំគ្រាប់ពណ៌ផ្កាឈូកនិងខៀវ ប្រភេទ(WY) ចំនួន ៧៥០ គ្រាប់ អាវុធខ្លី ម៉ាកBeretta PX4 Storm ០១ ដេីម បង់ ០១,គ្រាប់ ១៤ គ្រាប់ រថយន្តម៉ាកTOYOTA TUNDRA ពណ៌ខ្មៅ ពាក់ស្លាកលេខកំពង់ធំ 2A-2007 ០១ គ្រឿង ម៉ូតូម៉ាក DREAM FI 110c ពណ៌ខ្មៅ ពាក់ស្លាកលេខភ្នំពេញ 1BT-3192 ០១ គ្រឿង ករណីនេះសមត្ថកិច្ចយើងកសាងសំណុំរឿងបញ្ជូនទៅតុលាការខេត្តពោធិ៍សាត់ ។
