ភ្នំពេញ៖​ថ្ងៃទី១៥ ខែកញ្ញា ឆ្នាំ២០២០ នៅវេលាម៉ោង១២:៣០កម្លាំងសមត្ថកិច្ចចុះប្រតិបត្តិការណ៍ចាប់ឃាត់ខ្លួនជនសង្ស័យម្នាក់ពីបទលួចគាស់ផ្ទះយកទ្រព្យសម្បត្តិក្រោយពីជនរងគ្រោះបានដាក់ពាក្យបណ្តឹងបានរយ:ពេលជាង១ខែ នៅចំណុច ផ្ទះលេខ០៨ ផ្លូវ ៥៦២ ភូមិ៧ សង្កាត់បឹងកក់១ ខណ្ឌទួលគោក ភ្នំពេញជនសង្ស័យចោរលួចគាស់ផ្ទះឈ្មោះ ទួន ឌីដារិទ្ធ អាយុ ៣៦ឆ្នាំជនជាតិខ្មែរ មុខរបរជាងកាត់សក់ ស្នាក់នៅទីតាំងខាងលើ។ យោងតាមពាក្យបណ្តឹងជនរងគ្រោះកាលពីថ្ងៃទី១០ ខែ សីហា ឆ្នាំ២០២០យកមកសួរនាំនៅប៉ុស្តិ៍នគរបាលរដ្ឋាបាលជ័យជំនះ ។

ក្រោយធ្វើការសាកសួរតាមជំនាញរបស់សមត្ថកិច្ចជន សង្ស័យបានសារភាពថាខ្លួនពិតជាបានយកដែកធ្វើសកម្ម ភាពគាស់ផ្ទះលេខ៤៨.E1ផ្លូវ១៧២ ភូមិ៤ សង្កាត់ជ័យជំនះ ខណ្ឌដូនពេញពិតប្រាកដមែន ដោយយកបាននូវម៉ាសុីនថតចំនួន០២គ្រឿង កំព្យូទ័រយួរដៃចំនួន០២គ្រឿង ទូរស័ព្ទ Iphone7ពណ៌ទឹកប្រាក់ចំនួន១គ្រឿងLenCameraសំរាប់ថតរូប០១ លុយ៧៥ដុល្លា ។

បច្ចុប្បន្នកម្លាំងជំនាញអធិការដ្ឋានខណ្ឌ និងប៉ុស្តិ៍ កំពុងធ្វើការសាកសួរដើម្បីកសាងសំណុំរឿងបញ្ជូនខ្លួនជនសង្ស័យបន្តទៅសាលាដំបូងរាជធានីភ្នំពេញចាត់ការតាមនីតិវិធីនៃច្បាប់៕