ស្រី្តមានផ្ទៃពោះ ៣ខែម្នាក់បានធ្វើអត្តឃាត ចងកធ្វើសម្លាប់ខ្លួនក្នុងបន្ទប់ជួល ក្រោយពីមានជំលោះជាមួយប្តី
(ថ្ងៃទី 01 August 2020 ម៉ោង 8:55 am)

ភ្នំពេញ ៖ នៅវេលាម៉ោង៩និង៣០នាទីយប់ ថ្ងៃសុក្រទី៣១ខែកក្កដា ឆ្នាំ២០២០ នៅក្នុងបន្ទប់ជួល ជាន់ទី២ ក្នុងភូមិត្រពាំងថ្លឹងទី២ សង្កាត់ ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ។ សាកសពនារីនេះ មានឈ្មោះ ស្រី ល័ក្ខ អាយុ២៦ឆ្នាំ ជាកម្មការនីរោងចក្រ មានស្រុកកំណើត នៅខេត្តព្រៃវែង។

បើតាមប្អូនស្រីម្នាក់បានប្រាប់ឲ្យដឹងថា នារីខាងលើបានឡាយវីដេអូយំស្រែក ហើយក៏ចងកសម្លាប់ខ្លួន ពេលនោះរូបគាត់ក៏ស្ទុះទៅមើល ក៏ឃើញនារីនោះចងក ជាមួយខ្សែរអង្រឹង ទៅភ្ជាប់និងឥដ្ឋខ្យល់ លើបង្អួចត្រដរខ្យល់ទៅហើយ ។ រូបគាត់ក៏រត់មកប្រាប់អ្នកជិតខាង ឲ្យមកជួយតែកម្មអកុសលស្រ្តី រងគ្រោះបានស្លាប់បាត់ទៅហើយ។

ស្រ្តីរងគ្រោះខាងលើ មុននឹង ចងក សម្លាប់ខ្លួន រូបគាត់បានលឺសំឡេង ឈ្លោះគ្នាជាមួយប្តីតែមិនដឹងឈ្លោះគ្នារឿងអីនោះទេ ក្រោយមកប្តីនោះបានចេញទៅបាត់ ធ្វើឲ្យស្រ្តីរងគ្រោះខាងលើ ដាច់ចិត្តចងក សម្លាប់ខ្លួនបែបនេះទៅ ។

សមត្ថកិច្ចសន្និដ្ឋានថា នារីរងគ្រោះពិតជាស្លាប់ ដោយអត្តឃាតពិតប្រាកដមែន រួចសាកសព តម្កល់ទុកនៅវត្តទឹកថ្លា រង់ចាំស្រាវជ្រាវរកសាច់ញាតិ មកទទួលយកទៅធ្វើបុណ្យតាមប្រពៃណី៕