មរីពាក់ព័ន្ធចុះកាយដីដែលឈ្មួញចាក់រំលោភលើចណីប្រឡាយលូប្រាំ ម្ចាស់ទីតាំងក៏បានសំណូមពរយ៉ាងទទូច ឲ្យជួយរកយុត្តិធម៌ដល់រូបគាត់ផងដែរ
(ថ្ងៃទី 20 July 2020 ម៉ោង 12:50 pm)
ភ្នំពេញ ៖ នៅថ្ងៃទី២០ ខែកក្កដា ឆ្នាំ២០២០ លោក មា សុភាព អភិបាលរងខណ្ឌមានជ័យ តំណាងលោកពេជ្រ កែវមុនី អភិបាលខណ្ឌមានជ័យ បានដឹកនាំកម្លាំងគណៈបញ្ជាការ ឯកភាពខណ្ឌនិងមន្ត្រីពាក់ព័ន្ធចុះកាយដីដែលឈ្មួញចាក់រំលោភលើចំណីប្រឡាយលូប្រាំ ស្ថិតក្នុងភូមិដំណាក់ធំ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ។ ការចុះអនុវត្តនេះគឺបានធ្វើការវាស់វែងត្រឹមត្រូវពីក្រុមសុរិយោដី និងភូមិបាលខណ្ឌ រួមជាមួយនឹងមន្ត្រីជំនាញសាធារណៈខណ្ឌ ហើយការអនុវត្តមិនមែនតែមួយទីតាំងនេះ ទេគឺឲ្យតែ សំណង់ណាឬក៏ទីតាំងណាដែលវាស់ទៅឃើញថារំលោភបំពានលើសម្បត្តិសាធារណៈជាពិសេស
ប្រឡាយលូប្រាំនេះ គឺត្រូវតែរុះរើនិងកាយចេញជាដាច់ខាត។
ជាមួយគ្នានោះដែរ ម្ចាស់ទីតាំងក៏បានសំណូមពរយ៉ាងទទូចដល់អាជ្ញាធររាជធានីភ្នំពេញ និងអាជ្ញាធរខណ្ឌមានជ័យឲ្យជួយរកយុត្តិធម៌ដល់រូបគាត់ផង ហើយគាត់បញ្ជាក់ថា គាត់មិនហាមឃាត់ចំពោះការអភិវឌ្ឍរបស់អាជ្ញាធរទេ ប៉ុន្តែត្រូវអនុវត្តឱ្យស្មើភាពគ្នារវាងប្រជាពលរដ្ឋរស់នៅអមសងខាងប្រឡាយនេះ សូមកុំអនុវត្តតែកន្លែងគាត់មួយអ៊ីចឹង៕
