គ្រោះថ្នក់ចរាចរណ៍ គោយន្តកន្ត្រៃ បើកចុះផ្លូវចំណោទភ្នំ បណ្តាលឲ្យក្រឡាប់ រងរបួសធ្ងន់-ស្រាល ៩នាក់ នៅបាត់ដំបង
(ថ្ងៃទី 16 July 2020 ម៉ោង 10:47 am)

បាត់ដំបង : កាលពីវេលាម៉ោង១៤និង៣៥នាទីថ្ងៃទី១៥ ខែកក្កដា ឆ្នាំ២០២០ ករណីគ្រោះថ្នក់ចរាចរណ៍ បណ្តាលមកពីគោយន្តកន្រ្តៃក្រឡាប់ មនុស្សចំនួន០៩នាក់​ បានរងរបួសធ្ងន់-ស្រាល ស្ថិតនៅក្នុងភូមិទួលខ្ពស់ ឃុំភ្នំព្រឹក ស្រុកភ្នំព្រឹក ខេត្តបាត់ដំបង។

នៅមុនពេលកើតហេតុ គេឃើញគោយន្តកន្ត្រៃមួយគ្រឿងបើកបរលើផ្លូវឡើងភ្នំ ក្នុងទិសដៅពីជើងទៅត្បូង ដោយដឹកមនុស្សជាច្រើននាក់ លុះមកដល់ចំណុចកើតហេតុ ជាចំណុចចុះភ្នំ ក៏ស្រាប់តែគោយន្តកន្ត្រៃ បានរេចង្កូតក្រឡាប់ធ្លាក់ផ្លូវ បណ្តាលឲ្យមនុស្សរងរបួសធ្ងន់-ស្រាលចំនួន០៩នាក់ ។

សមត្ថកិច្ចបានចុះទៅដល់ទីតាំងនេះ ជួយអន្តរាគមន៍ ដឹកជញ្ជូនជនរងគ្រោះទៅព្យាបាលនៅមន្ទីរពេទ្យបង្អែកស្រុកសំពៅលូន ៕