រថយន្តកុងតឺន័របុករះ បណ្តាលឲ្យក្រឡាប់ទៅលើផ្ទះប្រជាពលរដ្ឋ នៅភ្នំពេញ

(ថ្ងៃទី 15 July 2020 ម៉ោង 7:54 am)

ភ្នំពេញ ៖ នៅវេលាម៉ោង២ រំលងអធ្រាត្រ ឈានចូលថ្ងៃពុធ ទី១៥ ខែកក្កដា ឆ្នាំ២០២០ លំនៅដ្ឋាននិងសម្ភារៈ របស់ប្រជាពលរដ្ឋជាច្រើន បានរងការខូចខាត ដោយសាររថយន្ត កុងតឺន័របុករះ និងក្រឡាប់ ត្រង់ចំណុចភូមិជ្រៃកោង ក្នុងសង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។
រថយន្តបង្ក ជាប្រភេទរថយន្តកុងតឺន័រ ក្បាលពណ៌ស ពាក់ស្លាកលេខ ភ្នំពេញ3C-6327 ចំណែកអ្នកបើកបរ មិនត្រូវបានស្គាល់អត្តសញ្ញាណនោះទេ ។
ដំបូងគេឃើញ រថយន្តកុងតឺន័រ បើកតាមបណ្ដោយផ្លូវវ៉េងស្រេង ទិសដៅពីលិចមកកើត យ៉ាងលឿន ខណៈមកដល់ចំណុចកើតហេតុ ចំផ្លូវកោងបួងចង្កូតមិនទាន់ បណ្ដាលឲ្យទៅបុកគម្របលូ បែកទុយោទឹក របស់រដ្ឋ នឹងបន្តទៅបុករះ ផ្ទះប្រជាពលរដ្ឋ រួចក្រឡាប់តែម្ដង ។ភ្លាមៗ គេឃើញតៃកុងបានបើកទ្វារចេញ រត់បាត់ស្រមោល ក្នុង ហេតុការណ៍នេះ ពុំបណ្ដាលឱ្យមាននរណាម្នាក់ រងរបួសឬក៏ស្លាប់នោះទេ ។ សមត្ថកិច្ចុះមកវាស់វែង និងស្ទូចយករថយន្ត ទៅរក្សាទុក រង់ចាំដោះស្រាយគ្នា នៅពេលក្រោយ៕