ដោយឡែក គណៈកម្មាធិការជាតិរៀបចំការប្រកួតកីឡាអាស៊ានប៉ារ៉ាហ្គេម លើកទី១២ ឆ្នាំ២០២ សម្រេចធ្វើការប្រកួតរួមតែមួយ នៅរាជធានីភ្នំពេញ ដើម្បីផ្ដល់ភាពងាយស្រួល ដល់អត្តពលិកដែលមានពិការភាព។
អ្វីដែលគួរឳ្យស្ញប់ស្ញែងនោះ នៅពេលនេះ ប្រទេសកម្ពុជាមានសំណង់ពហុកីឡដ្ឋានដ៏ប្រណិត ដែលរំលេចចេញជារូបរាងយ៉ាងអស្ចារ្យត្រដែត នៅចំកណ្ដាលនៃទន្លេមេគ្គង និងទន្លេសាបនោះ ពោលគឺពហុកីឡដ្ឋានជាតិមតរកតេជោ ដែលជាទីតាំងបណ្ដុំទៅដោយទីលានប្រកួតកីឡាជាច្រើន ជាពិសេស «វិមានពហុកីឡដ្ឋានជាតិមរតកតេជោ» ដែលអាចផ្ទុកទស្សនិកជនបានប្រមាណ ៦ម៉ឺននាក់
ក្នុងបរិវេណពហុកីឡដ្ឋានជាតិមតរកតេជោ ក៏មានភូមិកីឡា ដែលជាទីតាំងសម្រាប់ប្រតិភូ និងអត្តពលិកស្នាក់នៅ និងហូបចុកផ្ទាល់តែម្ដង ជាចំណែកនៃការកាត់បន្ថយការធ្វើដំណើរឆ្ងាយ។
ជាមួយគ្នានេះ ហេដ្ឋារចនាសម្ព័ន្ធពាក់ព័ន្ធ ដូចជាផ្លូវថ្នល់ ផ្លូវជាតិលេខ៦អារ មហាវិថីឈ្នះ ឈ្នះ ក៏បាននឹងកំពុងធ្វើការជួសជុល យ៉ាងសស្រាក់សស្រាំ ដោយការចាក់កៅស៊ូថ្មី ដាក់ភ្លើងបំភ្លឺ ដាំដើមឈើ បង្កើនគុណភាពបៃតង និងការសាងសង់ផ្លូវថ្មី បន្ថែមមួយខ្សែទៀត ក៏កាន់តែជិតទៅសម្រេចបានជោគជ័យផងដែរ។
សារព័ត៌មាននិស្សិតខ្មែរ សូមកោតសរសើរគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ និងស្ថាប័នពាក់ព័ន្ធទាំងអស់ដែលបានចំណាយពេលមមារញឹក ដើម្បីត្រៀមរៀបចំការប្រកួតកីឡាជាលក្ខណៈអន្តរជាតិមួយនេះ។
នៅទីបញ្ចប់ សារព័ត៌មាននិស្សិតខ្មែរសូមជូនពរកីឡាករ និងកីឡាការនីកម្ពុជាទាំងអស់ សូមទទួលបានជោគជ័យដ៏ត្រចះត្រចង់ជូនជាតិមាតុភូមិកម្ពុជាជាទីស្នេហា នៅក្នុងការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ នៅកម្ពុជា នាពេលខាងមុខនេះ៕
